Florian Marku po tenton të bëjë karrierë në boks dhe deri më tani ka fituar 8 duele dhe ka barazuar në një. Kundërshtari i fundit me të cilin u përball ishte Rylan Charlton, të cilin e mposhti me KO teknik.
Trajnerët e britanikut hodhën peshqirin, pas grushteve që Marku i dha rivalit. Shqiptari nuk ngurron t’u kthehet atyre që kanë qenë mosbesues rreth tij, teksa ka postuar një video në rrjetet sociale.
Janë pikërisht pamje nga dueli me Charlton, që Marku e dominoi dhe normalisht që komenti i boksierit shqiptar është pikant: “Florian Marku nuk mund të bëjë boks thanë…”.
