Vrasja e Bardhok Pllanajt, i njohur si “Kumbari” i drogës ka bërë bujë edhe në mediat ruse. Sputniknews.com i ka kushtuar një artikull ekzekutimit mafioz, ndërsa shkruan se pas rënies së komunizmit Shqipëria “filloi të binte në krahët e kriminelëve”.
Media ruse, e cila e cilëson Pllanajn si “Kumbari” thotë se ka qenë dënuar në mungëse në Belgjikë për trafikim njerëzish dhe dyshohet si i përfshirë në kontrabandë droge.
“Bardhok Pllanaj, 46 vjeç, ishte gjykuar dhe dënuar në mungesë në Belgjikë për trafikim njerëzish dhe thuhet se ishte përfshirë në kontrabandë droge”, shkruan Sputnik.
Ngjarja ka ndodhur në lagjen “Dobraç” në Shkodër, pak metra larg shtëpisë së tij. Një atentat i mirëfillte pasi viktimën e kanë ndjekur për rreth 150 metra dhe në një moment kanë ecur paralelisht me të duke e qëlluar.
Rreth 30 plumba u gjetën në trupin e viktimës pas ekspertizës mjekoligjore.
Pllanaj njihej në Shkodër pasi ishte dënuar me burgim në mungesë në 2014-ën nga Gjykata e Rrethit Shkodër për tre vepra penale: “Pastrim parash”, “Falsifikim dokumentesh” dhe “Ndërtim pa leje”.
Gjithashtu Planaj, ishte i skeduar nga policia si një person që merrej me trafikimin e lëndëve narkotike. 46 vjeçari dyshohet si i përfshirë në operacionin e quajtur “laguna e Vilunit të zhvilluar më datë 30 shtator 2014, në vendin e quajtur “Rana e Hedhun” midis Lagunës së Vilunit dhe Shëngjinit, shërbimet e policisë kufitare dhe ato të Guardia di Finanza, panë të hidheshin nga një mjet lundrues, në det çanta të zeza në përmasa të mëdha.
