Vinicius: E dominuam Liverpool-in, zbatuam deri në detaje planin e Zidane

Real Madrid arriti të fitojë ndeshjen e parë çerekfinale ndaj Liverpool me shifrat 3-1, duke bërë një hap të madh drejt gjysmëfinaleve të Champions League. Vinicius ishte heroi i ndeshjes, duke shënuar dy gola për ekipin e tij. Pas ndeshjes braziliani foli për mediet.

“Ishte shumë e rëndësishme për të fituar këtë ndeshje, kjo është Champions League dhe një 3-1 është një rezultat i mirë. Ne kemi punuar shumë këtë vit për të arritur në këtë moment të sezonit, më e rëndësishmja, duke fituar çdo ndeshje.

Nuk i lamë të krijojnë asgjë, ata erdhën vetëm një herë në portën tonë dhe shënuan një gol. Duhet të vazhdojmë kështu. Ne stërvitemi për të fituar çdo ndeshje, trajneri na jep qetësi dhe ne kemi bërë shumë mirë gjithçka që Zidane na kërkoi.

Të tjerët flasin, por unë gjithmonë punoj, shokët e mi të skuadrës më japin forcën që më duhet për të arritur të bëj mirë në momentet e rëndësishme dhe për të shënuar golat që nevojiten”, u shpreh heroi i mbrëmjes së sotme.

LEXO EDHE  Rënia e rrezikshme e atletit peruan në Lojërat Olimpike, videoja bëhet virale