Dega Vlorë e Partisë Demokratike kallëzon penalisht në Prokurorinë e Posaçme ministren e Energjisë dhe Infrastrukturës, Belinda Balluku.
Përfaqësuesi i PD saktësoi në një dalje për mediat këtë të Hënë se Balluku akuzohet për veprat penale “Shpërdorim i detyrës” dhe “Shkelja e barazisë së pjesëmarrësve në tender apo ankande publike”.
Sipas PD, dhënia me koncesion e Portit të Vlorës, është bërë në kundërshtim me ligjin dhe në shkelje të marrëveshjes së arritur nga të gjitha palët politike për ligjin e ri elektoral.
“Shkeljet”
Sipas PD, jemi përpara veprimeve apo mosveprimeve të kundërligjshme, që sjellin përgjegjësi penale:
- Në skualifikimin në mënyrë të padrejtë dhe në kundërshtim me dispozitat ligjore për “Prokurimin Publik” të disa ofertuesve që kanë marrë pjesë në këtë prokurim;
- Pranimin si të sukseshmë të ofertës së bërë nga operatori, në kundërshtim me kriterin e përcaktuar në dokumentat standarte të tenderit.
“Oferta në vlerën e 22’842’417 euro pa TVSH e Shoqërisë ‘Marina Di Valona’ Sh.p.k. e identifikuar si oferta fituese, krahasuar me ofertën në vlerën 22’725’572 euro të Shoqërisë ‘Gjikuria’ Sh.p.k. dhe oferta e Shoqërisë ‘Albavia’ Sh.p.k me vlerë 1’876’427.700 leke pa TVSH. Diferenca monetare midis ofertave është e konsiderueshme duke shkaktuar një dëm të madh ekonomik fondeve publike të buxhetit të shtetit. Pra Komisioni Vlerësimit të Ofertave i drejtuar nga Ministria Balluku ka përzgjedhur ofertën me vlerën më të shtrenjtë për këtë prokurim publik”, tha përfaqësuesi i PD-së, i cili shprehur gatishmërinë e Partisë Demokratike për të mbështetur SPAK gjatë këtij hetimi.
DENONCO