Fusha e stadiumit “Loro Boriçi”, ku u zhvillua sfida mes Vllaznisë dhe Partizanit (0-0), nuk ishte në kushte optimale. Kjo gjë u pohua edhe nga trajneri i skuadrës shkodrane, Brdariç.
Ndërkohë që para startit të takimit, drejtori sportive i Partizanit, Olsi Rama, zbriti në tapetin e blertë të impiantit, për të inspektuar barin e fushës.
Nga fotot shihet qartë, se bari ishte më i gjatë se normalisht, ndërkohë që drejtori Rama, nuk nguroi të merrte disa fije të barit, teksa po drejtohet nga pankina për të treguar gjatësinë e barit.