Kryetari i Partisë Demokratike, Lulzim Basha, deklaroi se detyra e qeverisë së ardhshme është të ndryshojë jetën e qytetarëve dhe të mos i përdorë si mish për top.
Në një takim me banorët e “Unazës së Re”, Basha theksoi se nuk do të lejojë projektin për devijimin e lumit Lana.
I ndalur tek sfidat e punësimi, premtimi për shëndetësinë falas, kryedemokrati u shpreh se qeveria aktuale duhet të ishte larguar duke i kërkuar ndjesë qytetarëve, ndërsa shtoi se vaksina nuk mund të përdoret për fushatë.
“Mungesa e transparencës karakterizon edhe procesin e vaksinimit. Po t’i heqësh vaksinimin, sharjet kundër meje, Edi Rama s’ka fushatë. Vaksinimi nuk mund të përdoret për fushatë, duhet të përdoret me profesionalizëm”, tha Basha.
Gjithashtu ai i bëri thirrje të rinjve që të mos largohen nga Shqipëria, por të bëhen bashkë dhe të luftojnë për të ardhmen në vendin e tyre.
“Angazhimi ynë për Arsimin e Lartë ka arritur të jetësohet. Të rinjtë do të jena bashkëautorë. Nuk do të ketë më ligje që miratohen brenda ditës apo brenda javës. Detyra jonë është që ditën e parë të qeverisjes tonë është të nisim korrigjimin e këtyre krimeve të urbanistikës.
Mungesa e transparencës karakterizon edhe procesin e vaksinimit. Po t’i heqësh vaksinimit, sharjet kundër meje Edi Rama s’ka fushatë. Vaksinimi nuk mund të përdoret për fushatë, duhet të përdoret me profesionalizëm. Ndërkohë pasojat ekonomike të pandemisë dua të përsërisë se atë që nuk e bëri, theksoj se ne jemi në procesin e hartimit për të gjithë ata që kanë marrë para borxh për tu kuruar nga koronaavirus”, tha Basha.
