Katër efektivët e forcave Shqiponja të Lezhës janë rikthyer në detyrë pas pezullimit. Ata u pezulluan sepse gjuajtën me armë pak ditë më parë, teksa festonin ditëlindjen e shefes së tyre.
Festimi i pazakontë i ditëlindjes së shefes së Patrullës, pezulloi për disa ditë nga puna 4 punonjësit e Policisë të Forcës së Posaçme “Shqiponja”.
Bëhet fjalë për R. P., Xh. N., A. Sh. dhe R. M., ndërkohë që ndaj tyre kishte nisur edhe një procedim penal nga strukturat e SHÇBA-së.
Referuar të dhënave dhe vidoes së publikuar rezultoi se punonjësit e policisë festuan ditëlindjen e shefes së tyre në mesnatë gjatë orarit të punës.
Në video dukej qartë se njëri prej tyre qëllonte me armen e shërbimit në ajër.
Pas hetimeve, duket se është konsideruar e rregullt festa e policive për shefen e tyre, prandaj edhe u vendos që ata t’i rikthehen kështu detyrës.
