Kryeministri i Kosovës, Albin Kurti paralajmëron se në rast se nuk plotësohen votat për të zgjedhur Presidentin e ri atëhere vendi shkon sërish në zgjedhje.
Lëvizja Vetëvendosje sot ka mbledhur nënshkrimet për të mbajtur një seancë të jashtëzakonshme po sot vetëm për çështjen e Presidentit.
E propozuar është Vjosa Osmani përk këtë post, pro Kurti konfirmon se ka vetëm dy rrugë tashmë për Kosovën, ose zgjidhet ajo, ose sërish zgjedhje.
“Situata me pandeminë e COVID-19 është e rëndë, kur e kam lënë detyrën me 3 qershor të vitit të kaluar qasja jonë ka qenë ngritje fillestar edhe mbyllje graduale.
Ta keni parasysh, problemet që i kemi në sektorin e energjisë janë probleme të mëdha e të trashëguara nga e kaluara, e kemi evidentuar problemin, por nuk mund ta eliminojmë shkakun pasi janë të mëdha gabimet që janë trashëguar.
Është e domosdoshme që të kemi konstituimin e institucioneve dhe atë të presidentit, në mënyrë që të kemi mandatin 4 vjeçar, përndryshe shkojmë në zgjedhje”, tha Kurti.
