Kreu i PD Lulzim Basha, ka qenë përballë një paneli gazetarësh në emisionin ‘Opinion’ mbrëmjen e së enjtes, ku foli për programin elektoral të PD, dhe se çfarë pret në 25 prill.
I pyetur nga gazetarët se a do të ishte i hapur për një koalicion të madh pas 25 prillit në rast se asnjë nga forcat politike apo koalicionet nuk do t’i kishte votat për të qeverisur të vetëm, Basha u shpreh se në 25 prill shqiptarët do të sjellin ndryshimin.
Sipas Bashës ndryshimi do të jetë aq i madh sa as sondazhet më optimiste nuk e kanë parashikuar.
‘Ka një vullkan të madh, shqiptarët janë të vendosur dhe askush nuk mund t’i ndalë. Nuk ka shanse që një njeri që për 8 vite me radhë e mbajti vendin në këtë gjendja ta bëjë ndryshimin’, u shpreh Basha.
