“Vetting zyrtarëve të rafinerisë”/ Basha me naftëtarët: Pagat tuaja do i merrni

Kryedemokrati Lulzim Basha, është takuar sot me naftëtarët e Ballshit, ndërsa iu ka premtuar atyre se do t’i marrin pagat e tyre të prapambetura.

Lideri demokrat tha se kur PD-ja të vijë në pushtet do të bëhet vetting për zyrtarët që do të marrin në dorë rafinerinë e naftës.

Basha theksoi se kryeministri është përgjegjës për siguruar të drejtat e naftëtarëve.

“Ju shikoj në këmbë, herën e fundit ishit shtrirë. Në këtë vend, që sa herë ta shikoni duhet të na i mbushë zemrat me krenari, por sa herë e shoh më mbush me ankth dhe me një ndjesi padrejtësie.

Një mik i huaj më tha; ajo që duhet të kishim bekim, u kthye në mallkim. Për këtë vend këtu janë bërë ‘luftë’ dekadash nga politika. Kam qenë i pranishëm jo thjesht si dëshmitar në grevat e urisë.

Kam pasur përgjegjësi, jo si të kryeministrit, por të kryetarit të opozitës. Për të dëgjuar problemin dhe për t’i dhënë zë problemeve tuaja. A ka zgjidhje problemi i naftëtarëve?! Po.

Kjo pasuri rrjedh në xhepat e disa njerëzve. Problemi i Rafinerisë, në përgjegjësi i naftës shqiptare, është problem politik. Nuk ka rëndësi se çfarë pasaporte kanë apo gjuhë që flasin, por kjo pasuri, në vend që të ishte për Ballshin, u kthye në mallkim për të gjithë ju. S’dua të lë jashtë vëmendjes sakrificën e grave tuaja, e nënave tuaja.

LEXO EDHE  Zjarr masiv në fshatin Prongji, Gjirokastër, vështirësi për ndërhyrje

Akti i tyre për futjen në greve urie, ishte i madh. Që këto të zeza mos të përsëriten më, kushti i të gjitha kushteve është që politika mos t’i futet kësaj çështje me mendimin se çfarë do të përfitojnë. Ju premtoj dhënien fund të pandëshkueshmërisë.

Nga dita e parë e deri tek ditët e ardhshme zyrtarët nuk do të kenë jo vetëm mbrojtje, por do të kalojnë në disa lupa. Ata do të ballafaqohen me kontrollin më të lartë qeveritar, parlamentar. Është kjo garanci që ju jap sot. Është ky zotim që më ka sjellë para kësaj porte. Dua që kur të vijë herën tjetër, t’ju shoh së pari më këtë garanci të bërë realitet.

Me zyrtarë shqiptarë që do të jenë me vetting të pandërprerë politike dhe privat, pasi do të kenë në dorë një pasuri të madhe. Këtë e marr unë përsipër, me ndihmën e Alibeajt, apo të tjerëve.

Por e marr unë përsipër. Ai që erdhi para jush me premtime të mëdha, vetëm e përkeqësoi gjendjen tuaj. Përgjegjësi është dhe do të jetë gjithmonë qeveria, kryeministri. Ato para do t’i merrni si detyrim i përgjegjësisë shtetërore ndaj jush. Është premtim ndaj jush.” -tha Basha.