Ndarja e buxhetit për partitë, KAS rrëzon ankimin e koalicionit ABEOK

Komisioni i Ankimimeve dhe Sanksioneve rrëzoi këtë të Martë kërkesën e koalicionit ABEOK për sasinë e fondeve nga buxheti i shtetit që do t’u shpërndahet partive politike pjesëmarrëse në zgjedhjet e 25 Prillit.

Vendimi “Për përcaktimin e sasisë së fondit nga buxheti i shtetit që do t’u shpërndahet si paradhënie partive politike pjesëmarrëse në zgjedhjet për Kuvendin e Shqipërisë, të datës 25 prill 2021”, u mor nga Komisioni Qendror i Zgjedhjeve më 23 Mars.

LEXO EDHE  Debatet në Grupin e PD/ Basha: Nuk dua ti hedh benzinë zjarrit. Noka: I ke hedh tri*ol

Koalicioni ABEOK i përbërë nga partitë e drejtuara prej Kujtim Gjuzit, Zef Shtjefnit, Selami Jenisherit dhe Kostaq Papas ankimoi vendimin.

Këtë të Martë, Komisioni i Ankimimeve dhe Sanksioneve (KAS) shqyrtoi kërkesën ankimore dhe vendosi rrëzimin e saj.