Kualifikueset e Botërorit/ Holanda “shpërthen” me 7 gola, Turqia bën hara-kiri brenda fushe

Holanda ka shpërthyer sonte ndaj kombëtares modeste të Gjibraltarit në “Victoria Stadium” duke shënuar shtatë gola dhe gjashtë nga të cilat në pjesën e dytë pas një pjese të parë ku vendasit u mbrojtën mëse mirë.

Protagonsit në pjesën e dytë Depay me dy gola, ndërsa golat e tjerë erdhën nga De Jong, Wijnaldum, Malen, Van de Beek.

Nota negative e mbrëmjes ka qenë dëmtimi horror i Blind për mënyrën se si e ka vendosur këmbën e tij në rënie. Futbollisti i Ajax u zëvendësua pas 54 minutash.

Sakaq, Turqia nga 3-1 u barazua 3-3 përballë Letonisë duke hedhur poshtë gjithçka të mirë që kishte bërë në pjesën e parë dhe në fillim të pjesës së dytë.

LEXO EDHE  FOTO/ Ndeshja kundër Prodan, Florian Marku mbërrin në stadium

Në ndeshjet e tjera, Belgjika është treguar e pamëshirshme me Bjellorusinë, duke i shënuar tetë gola dhe kështu kryesojnë grupin e tyre me shtatë pikë në tre ndeshje. Çekia e vendit te dytë luante në transfertë dhe e ka pësuar nga Uellsi, që iu fal një goli të shënuar nga Daniel James i Manchester United.

Portugalia e Ronaldos ka fituar me përmbysje ndaj modestëve të Luksemburgut. Rodrigues i ndëshkoi pas 30 minutash lojë, kurse më pas Jota baraspeshoi shifrat dhe Ronaldo kaloi luzitanët në epërsi. Palhinha realizoi edhe golin e tretë. Më herët Serbia kishte mundur Azerbajxhanin me dy gola të Mitrovic.

Rezultatet e mbrëmjes: