Drejtuesi politik i PD në Qarkun e Shkodrës, Helidon Bushati, gjatë një takimi me të rinjtë në Postribë, tha se jeni shpresa për të ndryshuar vendin.
Bushati u shpreh se emigracioni nuk është zgjidhja, ndërsa theksoi se vota për PD garanton shkollim dhe punësim.
“Programi i PD për rininë parashikon ndihmesë ekonomike për studentët që nuk kanë gjendje ekonomike, asnë njeri, asnjë i ri nuk do të ngelet pa studiuar për efekt të pa mundësisve ekonomike familjare, do te kenë gjysmën e tarifave të paguara, do të ketë 5000 bursa për rininë shqiptare për të mbuluar plotësisht jo vetëm tarifat por eddhe të gjithë shpenzimet e shkollimit.
10 mijë studentët më të mirë, 10 mijë ekselentët e Shqipërisë do të kenë mundësi të punësohen për një vit me pagesë në ndërmarrjet më të mira shqiptare në mënyrë që të hyjne gradualisht në tregun e punës.
Ne vendosim rininë në qëndër të programit tonë, rinia do të sjell zhvillimin pas 25 prillit”, tha Bushati.
Në këtë kuadër, ai ftoi të rinjtë dhe të rejat, që të marrin pjesë masivisht në votime, duke shtuar se këto janë votimet më të rëndësishme në 30 vite demokraci.
“Ato që do bëjnë ndryshimin midis shkatërrimit 8 vjecar dhe një fillimit të ri për Shkodrën, Shqipërinë dhe Postribën jeni ju”, tha Helidon Bushati.
Bushati kërkoi angazhimin e të rinjve për të mundësuar rotacionin politik dhe ftoi të rinjtë që në këto zgjedhje të votojnë për vete. Sipas tij, fytyra e pushtetit të PD pas zgjedhjeve të 25 prillit në qeverisje do të jenë të rinjtë si pika më e fortë e zhvillimit të Shkodrës dhe Shqipërisë.
