Nga Boldnews.al
Një nga premtimet e kryeministrit Edi Rama, në fakt duke “përdorur” Erdoganin, ka qenë ndërtimi i një spitali para zgjedhjeve të 25 prillit. Kur jemi në ditët e fundit para inaugurinit, qeveria ka shpejtuar procedurat. Në fakt, ndërtimi sipas qeverisë ishte “dhuratë” nga Turqia.
Por, disa javë më parë, Këshilli i Qarkut Fier akordoi mbi 100 mijë euro për gjelbërimin. Ndërkohë, ditët e fundit, fonde ka akorduar edhe Ministria e Shëndetësisë. Me procedura të përshpejtuara për ta përdorur për fushatë, Manastirliu ka akorduar 8 milionë lekë për të pastruar ambientet.
Procedura e tenderit ka qenë elektronike, ndërsa është përdorur metoda e tenderit për 24 orë. Sipas dokumentit që disponon BoldNeës, Ministria e Shëndetësisë do të zhvillojë procedurën e prokurimit me vlerë të vogël, “pastrimi i ambinteve te brendshme të spitalit të ri rajonal Fier”.
Kërkohet të pastrohet i gjithë ambienti, dysheme dhe tualete. Pas këtij tenderi, pritet që Rama të shkojë për ta inauguruar, duke u “mburrur” se për 3 muaj ndërtoi një spital “portativ”. Dhe, shqiptarë bëhuni gati të shikoni në ERTV këtë spital! Konstruksionet e lehta, që u vendosën në një shesh, ia bënë punën më të lehtë ndërtuesve turq. Tashmë, të presim se çfarë fshihet pas këtij projekti.
Çfarë do t’i fali Rama turqve, Aereoportin e Vlorës apo tenderin për tunelin e Qafës së Llogorasë. Të dyja projektet janë prej qindra miliona eurosh, ndërsa shteti turk pritet të marrë mbrapsht disa herë më shumë donacionin e spitalit, i cili po përdoret nga Rama për zgjedhjet e 25 prillit.
