Në sheshin Skënderbej në Tiranë po vaksionohen personat mbi 70 vjeç, ndërsa Kryeministri Edi Rama, i shoqëruar edhe nga ministrja e Shëndetësisë, Ogerta Manastirliu, ka inspektuar procesin.
Një show, që ngjasonte me shfaqjet e cirkut, ku Edi Rama si një klloun u shfaq për të marrë urimet e disa prej qytetarëve, që çuditërisht ministrja Manastirliu I njihte emër për emër.
“Shëndet, shëndet”, uronte Kryeministri personat e vaksinuar, ndërsa ato ia kthenin me urime të ngjashme me ato të 40 viteve më pare, kur në takimet me popullin shfaqej Enver Hoxha. “Të rrosh sa malet, marsh nga ditët tona”, ishin disa nga ato që Ramës i dëgjuan veshët, çka duket se është ajo që priste nga show që me kujdes kishte përgatitur në sheshin qendror të Tiranës.
Rama tha se brenda majit do të jenë 500 mijë shqiptarë të vaksinuar, ndërsa u shpreh se procesi do të ecë shumë shpejt, pasi janë siguruar sasi të konsiderueshme vaksinash.
“Deri në pranverën e ardhshme do të jetë vaksinuar e gjithë popullata, megjithëse unë shpresoj që të përfundojë sa më shpejt se ky objektiv që kemi. Ne jemi në dispozicion non stop, moshat e treta po çlirohen nga stresi”, tha Rama.
Ai u shpreh se për ata që do të vijnë në Shqipëri si tursitë nuk do të kërkohet të kenë pasaportën e vaksinës.
