Në 24 orët e fundit është vënë re një situatë e rënduar e koronavirusit në Kosovë.
Janë raportuar 10 humbje jete në spitale.
“Rastet e vdekjes janë nga komunat: Prishtinë 5 raste (86, 85, 84, 62 59 vjeç), Gjakovë 1 rast (84 vjeç), Podujevë 1 rast (72 vjeç), Prizren 1 rast (83 vjeç), Suharekë 1 rast (84 vjeç), Vushtrri 1 rast (83 vjeç)”, njoftojnë autoritëetet.
Instituti Kombëtar i Shëndetësisë Publike bën me dije se janë regjistruar 914 raste të reja me koronavirus.
Numri i rasteve të reja del pas testimit të 4.733 mostrave. Kjo njëherësh paraqet shifrën më të lartë të infektimeve ditore që Kosova ka regjistruar gjatë vitit 2021.
Gjatë 24 orëve, janë shëruar edhe 602 pacientë, duke e çuar në 72.415 numrin e përgjithshëm të të shëruarave.
