Tre barazime dhe një surprizë në katër ndeshjet e mbrëmjes së sotme të kombëtareve, të vlefshme për eliminatoret e Botërorit Katar 2022. Serbi-Portugali përfundoi në barazim 2-2. Luzitanët e mbyllën pjesën e parë në avantazh të dyfishtë falë dy golave me kokë të Diogo Jota.
Vendasit reaguan në fraksionin e dytë të takimit, Aleksandar Mitrovic dhe Filip Kostic ndëshkuan skuadrën udhëtuese dhe i dhuruan një pikë me vlera Serbisë.
Cristiano Ronaldo gjeti golin e fitores në shtesa. Topi kaloi vijën fatale, por mungesa e teknologjisë së golit ndikoi që Portugalia të mos fitonte.
Pa fitues edhe dueli Çeki-Belgjikë. Përballja e luajtur në Pragë u mbyll në barazim 1-1. Të dy golat e realizuan në pjesën e dytë. Lukas Provod kaloi në avantazh vendasit në minutën e 50-të, por “Djajtë e Kuq” reaguan dhe dhjetë minuta më vonë rikthyen baraspeshën falë një goli shumë të bukur të Romelu Lukakut.
Në ndeshjet e tjera, Sllovakia nuk shkoi më shumë se një barazim 2-2 në shtëpi kundër Maltës ndërsa Irlanda u befasua në fushën e vet nga Luksemburgu, që triumfoi 0-1 në Dublin.
DENONCO