Qevetia ka miratuar shtyrjen e afatit të kartave të identitit, që skandojnë para 25 prillit, deri më 30 prill. Vendimi ka ardhur pas propozimit të ministrit të Brendshëm Bledi Çuçi, ndërsa më parë ishte KQZ që dha alarmin lidhur me kartat e skaduara.
Sipas KQZ, rreth 800 mijë qytetarë rrezikonin të mos votonin për shkak se kartat e identitetit skadonin para datës së zgjedhjeve. Apelit të KQZ iu bashkua edhe Presidenti Ilir Meta, ndërsa Qeveria miratoi vendimin 1 muaj para mbajtjes së zgjedhjeve.
Gjithashtu opozita kërkoi nga Qeveria shtyrjen e afatit të vlefshmërisë së kartave të identitetit, duke i dhënë mundësi zgjedhësve me karta të skaduara që të votojnë.
Vendimi
PËR NJË NDRYSHIM NË LIGJIN NR.8952, DATË 10.10.2002, “Për letërnjoftimin elektronik të shtetasve shqiptarë”, të ndryshuar
Në mbështetje të nenit 101 të Kushtetutës, me propozimin e ministrit të Brendshëm, Këshilli i Ministrave
Vendosi
Neni 1
Neni 9/2, i ligjit nr.8952, datë 10.10.2002, “Për letërnjoftimin elektronik të shtetasve shqiptarë”, të ndryshuar, ndryshohet, si më poshtë vijon:
“Neni 9/2
Dispozitë kalimtare
Afati i vlefshmërisë së letërnjoftimit elektronik të shtetasve shqiptarë, që përfundon deri në datën 25 prill 2021, zgjatet deri në datën 30 prill 2021.”.
