Kryeministri Edi Rama ka deklaruar se e detyroi situata të ndryshojë qëndrimin e tij për vaksinën ruse dhe kineze.
I pyetur në Rinas lidhur me ndryshimin e qëndrimit, Rama dha si shembull edhe kancelaren gjermane Angela Merkel.
“Dinamika e procesit. E njëjta gjë që shtyn kancelaren të thotë se nëse BE nuk e aprovon, ne do e marrim vaksinën ruse’, u shpreh Rama.
Lidhur me hapjen e fushatës sot nga Partia Socialiste në sheshin Skënderbej dhe masat anti-Covid që nuk lejojnë grumbullime me më shumë se 10 persona, Rama tha se ata kanë marrë masa që të mos shkelet ligji, pasi organizmi është bërë në ndarje grupe-grupe, duke e cilësuar këtë si aftësi krijuese.
“Është çështje fantazie. Grumbullimi sipas ligjit është i kufizuar, por nëse këtu jemi 10 dhe 20 metra më tutje janë dhjetë të tjerë nuk bën shkelje të ligjit, por aftësi krijuese,” tha Rama.
