Partia Demokratike çel sot rreth orës 17:30 zyrtarisht fushatën për zgjedhjet e 25 prillit. Një nga elementët e fushatës është kopjuar nga fushata e Joe Biden në SHBA, ku mbështetës të tij shfaqeshin me automjete.
Demokratët e nisin fushatën nga sheshi “Nënë Tereza”, ndërsa socialistët kanë zgjedhur sheshin “Skënderbej”.
Rrugët e kryeqytetit janë mbushur me simpatizantë të shumtë të së djathtës të cilët kanë krijuar një atmosferë ndryshe me flamuj të selisë blu.
Ndërkohë i gjithë sheshi “Nënë Tereza” është mbushur me automjete.
Sot pritet që kreu demokrat Lulzim Basha të prezantojë kandidatët për deputetë, ndërkohë që fushata e këtij viti po zhvillohet në kuadrin e masave anti-Covid.
