Erjona Kakeli dhe Salsano Rrapi janë një ndër çiftet më të dashur për publikun shqiptar. Salsano është pjesë e “Portokallisë”, ndërsa Erjona tek “Kosherja”.
E ftuar në “ABC e Mëngjesit”, Erjona ka treguar shumë detaje për rolet e saj, por edhe kritikat e bashkëshortit. Për herë të parë, aktorja ka zbuluar se Salsano i ka realizuar një propozim romantik për martesë në Dhërmi.
“Ma ka bërë propozim tamam kur ka qenë Margi e vogël në vendin tonë të preferuar në Dhërmi. Më thotë hajde ikim, i thash po vajzën si do e lëmë se ishte 6 muajshe. ‘E mban mami’, ma kthen. Si përfundim, shkuam hëngrëm atje, në një moment zbresim poshtë kisha edhe gocën me karrocë dhe shohim vendin që ishte realizuar për një propozim. I them: ‘Po gjynah si i kanë lënë këtu këto mbeturina’. Ndëkohë Salsano më thotë: ‘Mos më prish surprizën’. Unë s’po kuptoja asgjë. Ai ulet dhe më propozon”, tha Erjona.
