Ish-ministri i Jashtëm, Ditmir Bushati ka festuar këtë të mërkurë 44-vjetorin e lindjes. Përmes një postimi në rrjete sociale, Bushati ka zbuluar edhe tortën surpizë, në ditën e tij të shënuar.
“Për ditëlindje, si surprizë një tren u ndal në stacionin tim #bestteamever”, – shkruan Bushati në mbishkrimin e fotos.
Simbolika e trenit u përdor disa ditë më parë teksa Rama fliste për Bushatin.
Publikimit të listave të kandidatëve, në një dalje për mediat, Rama tha për Bushatin se ai “zbriti nga treni”.
“Një lojtar unë e mas me sa duar njerëzish ka shtrënguar sa fshatarë ka takuar, sa biznese ka takuar për t’iu thënë si ju shkojnë punët, çfarë keni nevojë, sa qytetarë ka takuar, sa i di ai problemet e zonës ku është atje se nuk mund të jetë historia që shkojnë te njerëzit vetëm për fushatë. Shpresoj ta kapë trenin prapë. Partia të vë por nuk të mban, mban veten”, tha Rama.
Pas ditë më pas, Bushati do të publikonte në rrjetet sociale një shprehje: “Nuk ka rëndësi se në cilin tren udhëtoni, e rëndësishme është në cilin stacion treni ndaloni”.
