Komiteti i Ekspertëve ndaj Covid njoftoi këtë të Mërkurë lënien në fuqi të masave ekzistuese ndaj koronavavirusit në vend edhe ëpr dy javë të tjera.
Në njoftimin për median u tha se ka pasur përmirësim të treguesve të poandemisë, megjithatë jo në atë nivel sa për të lehtësuar masat e vendosura deri më tani.
Pozitiviteti i rasteve ka rënë gjatë 2 javëve të fundit, ashtu si dhe numri total i rasteve aktive, apo të shtrurve në spitale.
Masat
Kështu, mbetet në fuqi:
Ndalimi i qarkullimit të lëvizjes për qytetarët nga ora 20:00 e mbrëmjes – 6:00 të mëngjesit, me përjashtim të emergjencave shëndetësore dhe për arsye pune (në këtë rast është e domosdoshme leja nëpërmjet aplikimit tek e-Albania).
Ndalimi i aktiviteteve të bareve, restoranteve, klubeve, nga ora 20:00 e mbrëmjes – 06:00 të mëngjesit (me përjashtim të shërbimit delivery).
Shkollat e mesme që kanë proceduar online, do të vijojnë në të njëjtën mënyrë.
Universitetet po ashtu do të vazhdojnë të mbeten online.
Ndalimi i grumbullimeve po ashtu do të mbetet në fuqi për dy javët në vijim.
Fluturimet me Britaninë e Madhe vazhdojnë të mbeten të pezulluara edhe për një periudhë kohe.
