Një 26-vjeçar ka ndërruar jetë në rrethana ende të paqarta, pasi është vaksinuar me vaksinën e AstraZenecas në Francë.
Prokurori publik në Nantes, Pierre Sennes, tha se autopsia ishte kryer mbi studentin e mjekësisë një ditë pas vdekjes së tij, por “ishte e nevojshme të kryheshin prova të mëtejshme për të përcaktuar shkaqet dhe rrethanat konkrete të vdekjes së tij”.
Sipas mediave të huaja, lajmi për vdekjen e të riut erdhi pesë ditë pasi Franca dhe disa vende të tjera rifilluan vaksinat AstraZeneca.
Kujtojmë se këto vaksina ishin pezulluar për pak kohë për shkak se thuhej se shkaktonin mpiksje gjaku.
Raportohet se në Francë rekomandohet që vaksinën e AstraZenecas ta marrin persona të moshës 55 vjeç e lart, pasi në moshat e reja shkaktohet mpiksje gjaku.
