Partia Socialiste konfirmohet si një forcë fituese në qarkun e Vlorës me 59-63% të votave. Kjo të paktën sipas sondazhit të Antonio Notos, i cili u publikua në emisionin Tempora mbrëmjen e sotme.
Ndërkohë, koalicioni opozitar i drejtuar nga PD merr 31-35%, ndërsa LSI-ja nga ana tjetër luhatet në shifrat 3-7%.
Partitë e tjera luhaten me 0-2%, me një mesatare 1%.
Referuar shifrave të vitit 2017, PS është rritur me 1% dhe PD ka pësuar një rritje të ndjeshme me 7.7%. Ndërsa LSI ka pësuar rënie me 6.2%. Shifra e të pavendosurve në Qarkun e Vlorës kap një shifër prej 23%.
