Cristiano Ronaldo ka edhe një sezon kontratë me Juventusin, por largimi i tij nga Torino është shumë i mundshëm. Fabio Paratici para disa ditësh e konfirmoi se Juve dëshiron qëndrimin e Ronaldos, por AS shkon më tej dhe zbulon më shumë të dhëna.
Sipas tyre rinovimi i kontratës nuk është çështje dhe Juventus do ishte gati ta mbante Ronaldon edhe një sezon tjetër në Torino, por gjithashtu nuk do e pengonte aspak nëse ai kërkon të largohet pas tre vitesh në Torino, ku nuk fitoi Champions League, kompeticioni që Juves i mungon më së shumti.
Në Spanjë janë të bindur se Ronaldo kërkon të kthehet në Madrid dhe Juventusit nuk ia mbyll derën. Bardhezinjtë nuk mbajnë as çmim të kripur për të. Ata mjaftohen me 25 milionë euro në këmbim të prishjes së kontratës me Ronaldon, një shifër simbolike për një lojtar të nivelit të tillë.
