E rëndë/ 23-vjeçarja me probleme mendore përdhunohet dhe lihet shtatzënë

Një 23-vjeçare, me probleme të shëndetin mendor është përdhunuar në mënyrë të përsëritur nga komshiu i saj, në fshatin Ardenicë të Lushnjës.

Vajza lindi fëmijën dhe nga analizat vërtetohet se i ati është Eduart Bushi, që aktualisht ndodhet në gjendje arresti.

Vëllai i vajzës tregon për “Shqipëria live” në Tch, se Eduart Bushin e ka denoncuar që në vitin 2016 por nuk janë marrë masa ndaj tij.

“Ishim komshinj, ai vinte te dera e shtëpisë, unë e përzija. Në vitin 2016 e denoncova por nuk u bë asgjë. Të gjithë komshinjtë e dinë”.

Ai rrëfen momentin e rëndë, kur mori vesh shtatzënisë e motrës. “Kur e mora vesh që ishte shtatzënë e çova në polici, shkuam të bëjmë analizat, ishte 33-javëshe shtatzënë. Më kanë rrahur policët, më kanë ofenduar nga motra.

LEXO EDHE  Koronavirusi/ Alimehmeti: Piku i valës ka kaluar, ‘Delta’ po thyhet

Motra më lindi në derën e shtëpisë, nuk di çfarë t’u them, të gjithë komshinjtë e dinë këtë fatkeqësi. Babai i tronditur po vdiste nga njëra anë, motra po më vdiste nga ana tjetër.

Sipas analizave del Eduart Bushi i ati, nuk besoj se ka të tjerë, pavarësisht se ai pranon përdhunimin por mohon të jetë babai”.

Sipas vëllait, motra e kërkon fëmijën, por në pamundësi për t’u kujdesur për të, e ka dërguar në shtëpinë e fëmijës në Vlorë.