“Ky regjim po nuk ra me votë, do mjerohet, do ketë një 20 shkurt të dytë”. Kështu u shpreh ish-Kryeministri Sali Berisha në emisionin “Çim Peka Live”, ku foli për uzurpimin që Edi Rama u ka bërë pushteteve një e nga një. Berisha tha se në mandatin e dytë të qeverisjes së tij, i vetmi institucion që ka ndryshuar drejtuesin ka qenë SHISH, edhe ky pasi i kishte mbaruar mandate drejuesit të institucionit.
“Nëse u ndërruan epokat nuk ishte një fjalë, por ishin me qindra reforma dhe institucione te reja që u themeluan, që i dhanë fytyrë epokës së re. Ato nuk mund të errësohen asnjëherë nga gabimet. Dua të bëj një krahasim se cila ishte ndarja e pushtetit në periudhën e Sali Berishës dhe sot.
Z. Meta ka bërë një studim nga ku del se periudha e këyre 8 viteve është pothuajse si perudha e monizmit të plotë ku kryeministri rrëzoi një nga një të gjithë krerët e institucioneve.
E filloi me institucionin e Deklarimin të Pasurive të Politikanëve. Shkeli me ky këmbë kushtetutën që bëri në këtë mënyrë. Pasi mori ILDPK, vazhdoi duke larguar nga çdo inistucion në tërësi krerët e tyre dhe i pushtoi me njerëz të besuar të vetët, dhe arriti në një monizëm që se ka patur kurrë Shqipëria për atë që kanë ndarë pushtetet.
Nuk mund të them se unë mbaj përgjegjësi për atë që bën pasardhësi im. Është në tagrin e atij që vjen në pushtet të respektoj mandatet, të mendoj se nuk mund të marrë të gjitha pushtetet.
Me vërte ne kundërshtuam, një sërë kandidaturash e propozuar nga Bamir Topi, se si ai kërkonte të arrinte marrëveshje me ne, por ne ia votuam më pas pa asnjë marrëveshje.
Thjesht bazuar në faktin që Kushtetuta i jepte atij të drejtën e propozimit. Ne nuk ndryshuam, i vetmi mandat që është ndryshuar por që nuk ishte i përcaktuar, ishte ai i Shërbimit Informativ Kombëtar. Sepse për mua absolutisht unë nuk mund të pranoja zyrtarë pa mandate.
Nuk u arrit marrëveshja për të përcaktuar mandatin dhe unë shfrytëzova klauzoa të tjera, por pas 7 vitesh dhe jo menjëherë.
Dikraturat nuk vijnë nga diktatura, por vijnë nga sistemet demokratike. Për fatin më të keq kanë lindur nga sistemi demokratik”, tha Berisha.
