Një rast i çuditshëm denoncimi është regjistruar gjatë ditës së djeshme në Policinë e Tiranës, ku një 45-vjeçare ka kallëzuar një qytetare, që i ka shkuar në banesë, dhe përmes mashtrimit i ka marrë rreth 1 milionë e gjysmë lekë të vjetra.
Në njoftimin e Policisë nuk bëhet me dije rruga që ka ndjekur gruaja e paidentifikuar, për të bindur 45-vjeçaren që ti merrte shumën e konsiderueshme të parave. Vijojnë hetimet në lidhje me rastin, ndërsa materialet i janë referuar Prokurorisë së Tiranës.
“Më datë 20.03.2021, shtetësja L. T., 45 vjeçe, kallzon se në rrugën “Skender Jareqi”, në banesë, i ka shkuar një grua (e paidentifikuar), e cila në anë të mashtrimit i ka marrë shumën prej 160.000 lekë. Punohet për identifikimin dhe kapjen e autores.
Materialet u referuan në Prokurorinë pranë Gjykatës së Shkallës Parë Tiranë, për veprime të mëtejshme”, njofton zyrtarisht policia e kryeqytetit.
