Nën thirrjet “Rama ik” dhe “Lulzim Basha” disa dhjetra banorë të Beratit kanë pritur kreun demokrat Lulzim Basha në fushatën që po zhvillon në këtë qark.
Basha ka falenderuar qytetarët për pritjen, ndërsa u shpreh se është i prekur dhe i emocionuar nga pritja që iu rezervua në Beratin e lashtësisë dhe kulturës.
“Shqipëria kërkon ndryshim, zgjedhja e Edi Ramës 8 vite më parë ishte një aksident. Ne jemi shpresa e Shqipërisë dhe shqiptarëve. Kudo kërkohet ndryshimi”, tha Basha.
Basha u shpreh se do t´i japim fund shpërdorimit dhe vjedhjes së parave publike, duke shtuar se paratë do të investohet në infrastrukturë. “Pas Gjirokastrës, kjo pritje në Berat ishte një tjetër surprizë për mua”, tha kreu demokrat, duke shtuar se “projekti Hani i Hotit-Përmet do të jetë një prioritet për qeverisjen time”.
