Edmond Koçi, i njohur ndryshe si Mond Çekiçi, u ekzekutua mëngjesin e sotëm në një atentat me armë zjarri. Ngjarja ka ndodhur rreth orës 08:40 të mëngjesit të sotëm në lagjen 16 në qytetin bregdetar.
Nga raportimet mësohet se ndaj 40-vjeçarit është qëlluar me armë zjarri, ndërsa ai ka humbur jetën në vendin e ngjarjes.
Viktima udhëtonte me mjet me shofer dhe një automjet tjetër i ka prerë rrugën. Raportohet se drejtuesi i mjetit ku udhëtonte viktima ka dalë për te pyetur çfarë po ndodh, ndërsa një nga personat në mjetin tjetër ka qëlluar për vdekje Edmondin. Raportohet se autorët ishin tëveshur me veshje ushtarake.
Mësohet se autorët e dyshuar kanë përdorur një automjet tipMercedez, targat e të cilit rezultojnë të vjedhura në Tiranë.
Pak momente pas ngjarjes është raportuar se një mjet i ngjashëm me atë që dyshohet se është përdorur në atentat është gjetur duke u djegur në Sukth.
Policia ka nisur hetimet lidhur me ngjarjen, ndërsa janë ngritur postoblloqe në pikat hyrëse dhe dalëve të qytetit.
Viktima ishte ndaluar rreth 1 vit më parë nga policia e Durrësit për armëmbajtje pa leje, ndërsa njihej si pjesë e të ashtëquajturës banda e Durrësit.
