Kreu i Partisë Demokratike Lulzim Basha ndodhet sot në Berat. Pasi u ndal në disa zona rurale, Basha ka përshkuar me simpatizantët rrugët e qytetit të Beratit.
Kreu i demokratëve ka zhvilluar takime edhe me biznese. Basha u zotua se qeverisja e ardhshme do të ndihmojë artizanatin me qëllim zhvillimin e turizmit.
“Ka nevojë për subvencionim. Çdo lekë që do hedhim për të subvencionuar artizanatin do na kthehet. Ne do të synojmë turistin elitar. Kemi bashkuar forcat me disa nga institucionet më elitare të turizmit në Evrooë dhe me institucione të BE që të mundësojmë që turizmi shqiptar të përfitojë nga fonde të BE.
Tetë vite jeni mbajtur në forcat tuaja, pa asnjë ndihmë nga shteti. Këto ditë qëndroni fort mos u dorëzoni. Bashkohuni me ne për ndryshimin. Do të keni një qeveri dhe kryeministër të përgjegjshëm. Zotimet që kemi marrë do ti bëjmë realitet”, u shpreh Basha.
