Pasi sulmoi fizikisht ish-deputetin, Luca fyen edhe gazetaren

Biznesmeni Gjergj Luca u përfshi sot në një konflikt me kandidatin për deputet të PD në Qarkun e Elbasanit, Luçiano Boçi.

Ish-deputeti Boçi deklaroi se është dhunuar nga biznesmeni Gjergj Luca. Boçi u shpreh se ishte në një takim elektoral dhe Luca i është afruar, e ka ofenduar si dhe ka pasur përplasje fizike. Boçi gjithashtu thotë se gjatë përplasjes biznesmeni e ka kërcënuar me jetë.

Por në anën tjetër, Luca pretendon se jo vetëm është dhunuar, por edhe grabitur, duke akuzuar ish-deputetin se i ka marrë telefonin në momentin kur janë përplasur në një lokal.

Luca tha se pretendon të gjejë të drejtën e tij në momentin kur të hapen dhe kamerat e sigurisë në vendin kur ka ndodhur sherri, por në fund ka edhe një mesazh fyer për gazetaren e cila e pyet nëse ka shenja nga përplasja me ish-deputetin demokrat.

LEXO EDHE  Meta: Pas mandatit të Presidentit, më keni në beteja të vërteta. 25 Prilli - ndeshje e shitur

“Unë kam një shenjë që me ta kallëzuar që po vazhdon me këtë telefonin e kuq në dorë, ty nuk do të vijë mirë. Unë në punë time, ti do me bërë gallatë”, shprehet ai.

Kaq mjafton për të kuptuar se sa mund të jetë dhunuar Gjergj Luca nga ish-deputeti Boçi, i cili u shfaq në media me disa shenja në pjesën e qafës.