Kryeministri britanik Boris Johnson deklaroi këtë të enjte se vaksinat Oxfordit/ AstraZeneca dhe Pfizer që po distribuohen në Britani janë të sigurta dhe për ta provuar këtë ai pritet të kryej injektimin e AstraZeneca-s ditën e nesërme.
Johnson bëri të ditur gjithashtu se, rregullatori i ilaçeve në Mbretërinë e Bashkuar ka konfirmuar se përfitimet e vaksinës në parandalimin e Covid tejkalojnë shumë më shumë, çdo rrezik dhe njerëzit duhet të vazhdojnë të marrin vaksinën kur u kërkohet ta bëjnë këtë.
“Vaksina e Oxfordit është e sigurt dhe vaksina e Pfizer është e sigurt. Gjëja që nuk është e sigurt është infektimi me COVID-19, prandaj është kaq e rëndësishme që të gjithë të marrim injektimet tona sa më shpejt që të vijë radha jonë, Siç ndodh, unë jam duke marrë timin nesër, dhe qendra ku do bëj injektimin po përdor aktualisht vaksinën e Oxford/ AstraZeneca … dhe kjo është ajo unë që do të bëj”, tha Johnson.
