Agjencia Evropiane e Barnave ka certifikuar vaksinën e AstraZeneca-s, duke e cilësuar si të sigurtë.
Drejtuesja e agjencisë, Emer Cooke, u shpreh se komiteti ka vendosur se “kjo është një vaksinë e sigurt dhe efektive” dhe përfitimet tejkalojnë çdo rrezik të mundshëm”.
Doza, sipas saj, nuk shoqërohet me rritje të rrezikut të përgjithshëm të eventeve tromboembolike ose mpiksjes së gjakut.
Dr Sabine Strauss, kryetare e Komitetit të Sigurisë së Vaksinave pranë EMA, theksoi se rastet individuale nga e gjithë Evropa e ngjarjeve tromboembolike u hetuan dhe rezultoi se nuk ka rrezik më të lartë të përgjithshëm të ndodhin evente të tilla pas vaksinimit.
Përkundrazi, ajo nënvizoi se ka të ngjarë mundësitë për raste të tilla të ulen.
Sidoqoftë, “në disa raste, mpiksje të vogla u zhvilluan në enët e gjakut në 7-14 ditët e para pas vaksinimit … Gjithashtu në disa raste pamë mpiksje që zhvilloheshin në enët e gjakut, duke kulluar gjak nga truri … Këto simptoma janë të lidhura me nivele të ulëta të trombociteve të gjakut. Për momentin, provat që kemi për momentin nuk janë të mjaftueshme për të dalë në një përfundim të sigurt se këto efekte anësore janë shkaktuar vërtet nga vaksina apo jo.”
Strauss shtoi se do të porositen studime të mëtejshme ndërsa theksoi se këto raste janë jashtëzakonisht të rralla mes rreth 20 milion njerëzve të vaksinuar.
