Kryeministri Edi Rama përjashtoi pak ditë Dritan Lelin, kryebashkiakun e Vlorës nga fushata e Partisë Socialiste. Vendimi i Ramë erdhi pasi Leli refuzoi të kandidonte për deputet në zgjedhjet e 25 prillit. Madje në media u raportua se Rama i kishte kërkuar Lelit dorëheqjen si Kryebashkiak, ndërsa ai e kishte refuzuar.
Në kulmin e përplasjeve mes Ramës dhe Lelit, duket se Kryebashkiaku i Vlorës ka marrë falenderime nga Ambasada amerikane në Tiranë.
Falenderimet nuk kanë lidhje me përplasjet politike mes tij dhe Ramës, por me mbështetjen që Leli i ka dhënë një aktiviteti të organizuar nga Ambasada e SHBA.
“Këndet tona Amerikanë në të gjithë Shqipërinë përfaqësojnë miqësinë midis SHBA dhe Shqipërisë. Ne jemi shumë krenarë për partneritetin tonë të fortë me Bashkinë e Vlorës. Faleminderit, Kryetari Leli për mbështetjen tuaj. Le të vazhdojmë të ëndërrojmë, të shpërndajmë njohuri dhe të fuqizojmë rininë në 30 vitet e ardhshme dhe më tej, krah për krah!”, shkruan ambasada.
