Gjykata e Posaçme Kundër Krimit të Organizuar dhe Korrupsionit ka vendosur të kalojë për gjykim, dosjen ndaj Redian Rrajes dhe Ariol Halilajt, të akuzuar për atentatin ndaj Prokurorit Arjan Ndoj, Aleksander Lahos dhe Andi Malokut, shoferi 24 vjeçar, që humbi jetën një javë me pas në spital si pasojë e plagëve të marra në atentatin e organizuar.
Në fund të janarit 2021, SPAK bëri me dije se ka përfunduar hetimet lidhur me atentatin ndaj prokurorit të Durrësit Arjan Ndoja, ngjarje ku ky i fundit mbeti i plagosur, ndërsa ndërroi jetë shoferi i tij Andi Maloku.
SPAK çoi për gjykim shtetasit Redjan Rraja, që akuzohet për vrasje të funksionarëve publike të mbetur në tentative, ndaj Ajran Ndojas, dhe vrasje në rrethana të tjera cilësuese, me pasojë vdekjen shtetasit Andi Maloku, dhe të mbetur në tentative ndaj Aleksandër Lahos.
Po ashtu shkon për gjykim edhe Ariol Halilaj, i akuzhuar po ashtu për vrasje të funksionarëve publikë, mbetur në tentative në dëm të Arjan Ndojas, si dhe vrasje në rrethana të tjera cilësuese, me pasojë vdekjen e Andi Malokut, si dhe të mbetur në tentative ndaj Aleksandër Lahos.
Hetimet e këtij procedimi penal kanë të bëjnë me ngjarjen e datës 01.11.2019, rreth orës 16:00, në autostradën Durrës-Tiranë, në afërsi të mbikalimit të Shkozetit, disa persona me një automjet benz, ngjyrë gri, që mbante të vendosur targën AA342LM kanë qëlluar më armë zjarri në drejtim të automjetit me targe AA333ZD, me të cilin udhëtonin shtetasit Andi Maloku, Arjan Ndoja dhe Aleksandër Laho, ku për pasojë këta shtetas kanë marrë plagë të shkaktuara nga qitja me armë zjarri. Si pasojë ka gjetur vdekjen në spital shtetasi Andi Maloku, kurse shtetasit Arjan Ndoja dhe Aleksandër Laho kanë marrë plagë me armë zjarri dhe i janë nënshtruar mjekimit në spital.
Prokuroria e Posaçme Kundër Korrupsionit dhe Krimit të Organizuar vazhdon hetimet në kuadër të procedimit penal të ndarë me nr.184/1, me qëllim zbulimin e autorëve të tjerë të përfshirë në këtë ngjarje kriminale.
