Sulmuesi i Milanit, Ante Rebic, është dënuar me 2 ndeshje pezullim nga gjykatësi sportive në Itali.
Futbollisti kroat, i ndëshkuar me karton të kuq në minutat e fundit të sfidës mes kuqezinjve dhe Napolit për protesta, është ndëshkuar pasi ka përdorur fraza fyese në drejtim të gjyqtarit kryesor të ndeshjes.
Ja ka hedhur pa ndëshkim portieri Giggio Donnarumma, i cili ka marrë vetëm një gjobë prej 10 mijë eurosh.
Rebic do të humbasë kështu dy ndeshjet e radhës të Milanit në kampionat, pikërisht sfidat ndaj Fiorentinës në transfertë dhe Sampdorias në shtëpi.
