Ante Rebic dhe Milani duket se do ta vazhdojnë bashkëpunimin e tyre përtej verës së vitit 2021, atëherë kur dhe përfundon huazimi i lojtarit nga Eintracht Frankfurt.
Duke parë formën e mirë që ka treguar sulmuesi ballkanas gjatë vitit 2020, drejtuesit e Milanit janë vënë në lëvizje dhe kanë nisur kontaktet me menaxherin e futbollistit për të bërë të mundur blerjen e tij nga Frankfurt.
Sipas Gazzetta Dello Sport, dëshira e futbollistit për të qëndruar në Milano mund të rezultojë deçizive në gjetjen e një akordi mes Milanit dhe Frankfurtit. Aktualisht vlera e Rebic në merkato varion nga 25 deri në 30 milionë euro.
Këtë sezon Rebiç ka arritur të shënojë 7-të gola për kuqezinjtë, ndërsa vetëm së fundmi filloi të aktivizohej rregullisht.
