Arkimed Lushaj, i njohur me emrin e artit si Stresi, ka reaguar në rrjetet sociale lidhur me qëndrimet e kryesueses së listës së PS, Luljeta Bozo sipas të cilës regjimi i Enver Hoxhës “ka më shumë anë pozitive sesa negative”.
Stresi ka postuar në Instagram një pjesë nga deklarata e saj dhe shprehet se ajo duhet dërguar në azil.
Sipas reperit, Bozo duhet hedhur në gjyq urgjent, pasi shumë familje janë pushkatuar.
“Kjo do dërguar në azil, votoni PS o popull së të njëjtin fat do keni si në fillim të 1944. Zot na fal ca o tu ndodh.
Kjo zonja do mendojë për popullin është kanditate në Tiranë. Kjo duhet hedhur në gjyq urgjent!!! Sa familje janë pushkatuar sa meshkuj janë torturuar sa njerëz sa????
Ti je nënë, por jo si të gjithë nënat! Kush është ajo nënë që vret? Kush është ajo nënë që ka firmosur dhe njerëz janë zhdukur? Ja pra që ashtu nënash ne nuk i duam”, shkruan ai.
