Landfilli i Sharrës po kthehet në një bombë ekonologjike, ku po depozitohen edhe ato që konsiderohen si mbetej të rrezikshme, edhe pse nuk ka një leje mjedisore.
Kjo të paktën sipas një dokumenti të firmosur nga drejtori i AKM-së, Edison Konomi, sipas të cilit projekti “Landfill i depozitimit të mbetjeve të rrezikshme, jo radioaktive, nuk është pjesë e koncensionit të landfillit në Sharrë.
Sipas dokumentit, Sharra nuk plotëson kushtet teknike të papërshkrueshmërisë së argjilave, as nuk ka impiant trajtimi të ujrave të ndotura të mbetjeve urbane (jo të rrezikshme) dhe jo më pastaj të mbetjeve të rrezikshme.
Por duket se nga bizneset po merren para për depozitimin e mbetjeve industrial që hyjnë në kategoritë e mbetjeve të rrezikshme.
Sipas kreut të Departamentit të Mjedisit në PD, Jamarbër Malltezi, nga Rama-Koka-Blushi-Zoto po detyrohen bizneset të paguajnë 60 euro/ton për depozitimin e këtyre mbetjeve, edhe pse nuk ka një leje mjedisore.
“Ky ështe krim, është vjedhje dhe mashtrim. Sharra po kthehet në një bombë ekologjike dhe me rrezik për shëndetin e banorëve të zonave përreth si Kombinatit, Vaqarit e Fushë Pezës ku kalojne ujrat e ndotura nga Sharra”, thekson Malltezi.
