Një 33-vjeçar është arrestuar nga policia, pasi ishte shpallur në kërkim për plagosje. Sipas policisë 33-vjeçari G.P. është dënuar në vitin 2016 për “Plagosja e lehtë me dashje” dhe “Armëmbajtja pa leje” dhe në vitin 2010 për veprën penale “Vjedhja e kryer në bashkëpunim”.
Policia ka marrë informacione se ky person fshihej në lokalin që kishte marrë me qira në lagjen nr. 14, Durrës.
Gjatë kontrollit në lokal u gjetën një armë zjarri pistoletë dhe 2 krehër me 15 fishekë, të cilët u sekuestruan në cilësinë e provës materiale. Materialet i kaluan Prokurorisë së Rrethit Gjyqësor Durrës, për veprime të mëtejshme.
“Goditet një tjetër rast i armëmbajtjes pa leje. Finalizohet operacioni i koduar “Pranvera”. Operacioni i zhvilluar nga Seksioni për Hetimin e Trafiqeve të Paligjshme dhe Forca e Posaçme Operacionale në Drejtorinë Vendore të Policisë Durrës.
Fshihej në lokalin e marë me qira, pasi ishte shpallur në kërkim, arrestohet në flagrancë 33-vjeçari i dënuar më parë për plagosje me armë zjarri dhe vjedhje të kryer në bashkëpunim.
Gjatë kontrollit në lokal iu gjetën dhe u sekuestruan 1 armë zjarri dhe municion luftarak”, tha policia.
