Pedagogu dhe aktivisti i shoqërisë civile, Ervin Goci, ka reaguar përmes një postimi në rrjetet sociale ndaj Kryeministrit Edi Rama, i cili gjatë paradites së sotme shty një gazetare, e cila nuk kishte një maskë në momentin kur po transmetonte live një deklaratë të Kreut të Qeverisë mbi vaksinimin.
“Nëse ju prek fizikisht, lëshojani me mikrofon në lule të ballit, nëse ju kërcënon, mbylljani gojën, nëse ju poshtëron, braktiseni dhe lëreni të flasë me memet nepër ekranet boshe… Të nesërmen duhet të shkoni në Prokurori që ta kallëzoni, dhe pastaj në Gjykatë për ta paditur”, shkruan Goci.
Reagimi i profesorit të gazetarisë, Ervin Goci:
Edi Rama ka qef qe gazetaret t’i rrine si stativ, si maniket qe ekspozojne kanotieren, dhe mundesisht te vene maske ; kur i prishet dekori, pervesh menget dhe e rikompozon vete, duke i prekur dhe fizikisht.
Ne fakt shtytja ndaj Edona Haklaj, pergjate nje interviste, perveçse cenim i integritetit fizik te nje personi, dhe dhunim per shkak te profesionit, ka nga pas te gjithe perçmimin qe ka per mediat dhe gazetaret, qe i konsideron si sklleverit e tij qe mund t’ cenoje sa here t’i prishet dekori.
E kam bere dhe njehere tjeter si apel per gazetaret qe rropaten per mbijetese me rroga fyese dhe po e perseris – sa per t’ju thene qe nuk e kisha per shaka heren e pare – nese ju prek fizikisht, leshojani me mikrofon ne lule te ballit, nese ju kercenon, mbylljani gojen, nese ju poshteron, braktiseni dhe lereni te flase me memet neper ekranet boshe…te nesermen duhet te shkoni ne Prokurori qe ta kallzoni, dhe pastaj ne Gjykate per ta paditur..vetem kshu merr vesh..bullist peseleksh..
