Mjeku i njohur, Petrit Vargu, përmes një postimi në rrjetet sociale, ka reaguar lidhur me mbërritjen në Shqipëri të 38400 dozave të vaksinave anti-Covid nga AstraZeneca. Vargu shkruan se shume vende të Europës e kanë bllokuar përdorimin e kësaj vaksine, ndërsa i kërkon Drejtorisë së Kontrollit të Barnave dhe Komitetit të Ekspertëve të shprehen lidhur me vaksinat.
Në vijim, duke iu drejtuar ministres së Shëndetësisë, Ogerta Manastirliu, Vargu shprehet “meqënëse pëllumbesha e shëndetësisë na thotë se kemi një rrjet të shkëlqyer kapilar për vaksinimin, na e demostro në fushë dhe mbaroje këtë sasi vaksinash për 2 ditë”.
“Si nuk ju vjen turp, propogandë boshe në një kohë që njerëzit vdesin. Kalo nga QSUT dhe shiko ilaçet që mungojnë, pasi as filma për radiografi nuk ka më”, shkruan Vargu.
Postimi nga Petrit Vargu
Z.KryeM!Na thate qe ka ardhur nje parti tjeter e Astra-Zeneces per ne ,ne nje kohe qe shume vende te Evropes e kane bllokuar.
Si e verteton kete komiteti i eksperteve dhe Drejtoria e Kontrollit te Barnave?
Cudi, si na vine ne keto parti dhe nuk i merr Danimarka,Suedia dhe vende te tjera qe kane bllokuar Astra-Zenecen?
Meqenese pellumbesha e shendetesise ,na thote qe kemi nje rrjet te shkelqyer kapilar per vaksinim ,na e demostro ne fushe dhe mbaroje kete sasi vaksinash per dy dite dhe ti shohim keta kapilaret tuaj.
Si nuk ju vjen turp qe beni propagande boshe ne nje kohe qe njerezit vdesin?
Meqenese flet per rezultate ne mjekesi,kalo njehere nga QSUT-ja dhe shiko ilacet qe mungojne.As filma per te bere nje radiografi nuk ka ,ne pikun e Covid-it.
Por ne kete mjekesi te shkaterruar ,kjo nuk perben me lajm…..
