Kreu demokrat Lulzim Basha u shpreh sot gjatë takimeve të zhvilluara në Kavajë se pas 8 vitesh pushtet që s’ka bërë asnjë punë, Edi Rama kërkon prapë pushtet. Ndërsa ripërsëriti se pa ikjen e Edi Ramës nuk vjen ndryshimi, Basha tha se Qeveria e drejtuar prej tij do të rrisë me 5 % pensionet çdo vit, duke shpërblyer kështu gjithë sakrificën që pensionistët kanë bërë.
“Ne do të punojmë për ju dhe ju nuk do të zhgënjeheni”, i tha Basha një pensionisti, ndërsa dëgjoi problematikën me të cilën kjo shtresë përballet. Sipas kreut demokrat, vendi do të ketë një qeveri në lartësinë që qytetarët presin, duke premtuar se angazhimet që PD dhe aleatët e saj kanë marrë do të realizohen deri në fund.
“Do kemi një qeveri normale me politika që ndihmojnë njerëzit. Për ne, familja, besimi në Zot, janë shtylla të shoqërisë. Nuk dua të bëj politikë me fenë, por në kohë krize, roli i klerit është edhe më i rëndësishëm. Rikthimi i pronave është një borxh që PD ua ka komuniteteve fetare”, tha Basha, duke shprehur.edhe një ndjesë në emër të PD për bashkësitë fetare.
Ai premtoi se brenda mandatit të parë do ta zgjidhim problemin e pronave të bashkësive fetare. “Do të kemi një buxhet dinjitoz për bashkësitë fetare. Shoqëria nuk mund të jetojë pa moral. Roli i klerit në këtë pandemi, i pazëvendësueshëm. Vlerat tona qëndrore, emri dhe veprat”, tha ai.
