Nga Boldnews.al
Benet Beci është orvatur prej vitesh sa majtas dhe djathtas, duke drejtuar institucione me të dyja forcat e mëdha politike. Dy institucione “me lekë”, nga ato që shpenzojnë pa fund për gjoja punë publike, por në fakt vetëm sa kënaqin oligarkët, apo politikanët që qendrojnë pas tyre.
Dhe, kur emri i tij doli si kandidat i PS-së në Shkodër, askush nuk u habit, pasi Beci prej shumë vitesh ka qenë “ndërlidhësi” mes politikës dhe ologarlëve. Gjatë “mbretërimit” në FSHZH dhe aktualisht në KESH, z.Beci ka xhiruar qindra milionë euro, ndërsa gjithkush mund të japë opinione nëse kemi apo jo rrugë rurale apo nëse KESH-i po administrohet si duhet. Por, pavarësisht administrimit për “të mirat publike”, Beci po katapultohet në politikë pikërisht për të mbrojtur veten dhe të tjerët, pasi fondet nuk i mungojnë. Nëse deri dje Sadri Abazi ishte deputeti që përfitonte nga të mirat publike, rasti i Becit është i ndryshëm; ai ka “kënaqur” pikërisht sojin e Abazit apo të Abazëve të tjerë.
Dhe, kur na kanë mbetur vetëm 7 javë nga zgjedhjet e 25 prillit, Beci ka shpejtuar që të bëjë nderet e fundit. Sipas dokumenteve që disponon BoldNeës, vetë kandidati për deputet i PS-së në Shkodër, në të njëjtën kohë që i doli emri, ka firmosur me dorën e tij një tender prej 5 milionë eurosh. Fituesi është një firmë e njohur e tij, që nga koha e FSHZH-së, Salillari!
Sipas dokumenteve të këtij tenderi, KESH ka kërkuar një firmë që të bëjë punime për “mbrojtjen e shpatullës së djathtë mes veprës së marrjes dhe krështës së digës në Hec Koman”. Fondi i akorduar nga Beci ka qenë 540,959,527, më shumë se 5 milionë euro me TVSH. Burimi i të ardhurave janë të vetë KESH-it, ndërsa kontrata do të jetë vetëm me afat 5 muaj. Në tender kanë marrë pjesë BOE Alb Star, Ë & SMO Union, Liqeni VII, të cilat kanë paraqitur një ofertë prej 474,478,600 lekë pa TVSH.
Ndërkohë, operatori ekonomik Salillari ka paraqitur një ofertë 524,681,386 lekë pa TVSH. Gjysëm miliardi më shumë se oferta më e ulët. Në dokumente, KESH thotë se ka s’kualifikuar ofertën më të ulët pasi s’i kanë ndarë mirë punimet që do bëjmë me njëra tjetrën!
“Nuk plotësojnë kriterin 2.3.2, të kapacitetit teknik të kërkuar në DT, në përputhje me përqindjet e bashkëpunimit të përcaktuar në marrëveshjen e bashkëpunimit” është arsyeja kryesore e s’kualifikimit, teksa 500 milionë lekë të taksave tona do të shkojnë fillimisht në arkat e Salillarit vetëm për këtë arsye. Dhe, duke qenë se jemi në prag zgjedhjesh, 500 milionët apo miliardat e tjera do të bënin shumë punë për cilinda kandidat, apo forcë politike.
