Laçi sfidon në shtëpi Apoloninë prej orës 13:00, ndërkohë që janë përzgjedhur nga trajnerët e të dyja skuadrave edhe formacionet.
Kurbinasit kanë pasur probleme me sulmuesit, Mazrekajn dhe Xhixhën, ndaj këtë herë krah Harmon luan Shehu. Sherri nuk lëviz nga porta, kurse në mbrojtje Malota, Ignjatovic dhe Obanor e nisin sërish së bashku.
Këtë herë nga fillimi luan edhe braziliani Lucas Ramos, krah Deliut dhe Lushkjes, kurse në krahë Musta dhe Marku nuk e lëshojnë vendin e tyre.
Në rast fitoreje, Laçi do të merrte përkohësisht kryesimin e Kategorisë Superiore dhe do të priste e qetë takimin Vllaznia-Kukësi në orën 16:00.
Formacionet Zyrtare:
Laçi: Sherri, Malota, Ignjatovic, Obanor, Marku, Deliu, Lucas Ramos, Lushkja, Musta, Shehu, Harmon.
Apolonia: Harizaj, Sota, Agyare, Diop, Mihana, Smaçi, Yeboah, Shanaj, Zoga, Krasniqi, Gjata.
