Video/ Derbi i Madridit mbyllet në paqe, Atletico dhe Reali ndajnë pikët

Është mbyllur në barazim 1-1 derbi i Madridit mes Atleticos dhe Realit. Luis Suarez kaloi vendasit në avantazh pas çerek ore lojë, teksa Karim Benzema mban në lojë për titull Realin me golin e realizuar në minutën e 88-të.

Minuta e 15-të, kundërsulm fantastik i skuadrës “Colchoneros”, asist i Llorente dhe finalizim i uruguajanit, i cili gjeti golin e 17-të sezonal në La Liga.

Atletico u shfaq e rrezikshme në pjesën e dytë me Suarez dhe Carrasco, ndërsa Benzema pati rastin më të mirë për ekipin e Zidane, por u ndal nga Oblak. “Los Blancos” nuk u dorëzuan dhe gjetën golin e barazimit me anë të sulmuesit francez.

LEXO EDHE  Tifozët deklaratë kundër Superligës, nismës i bashkohen edhe TKZ

Kombinime të bukura mes Benzema dhe Casemiros dhe finalizim i goleadorit francez, i cili evitoi disfatën e skuadrës së tij. Vendi i parë dhe 59 pikë për Atletico Madrid, që ka luajtur një ndeshje më pak se Barcelona (56 pikë) dhe Real Madrid (54 pikë).