Superiorja/ Partizani për turp, Skënderbeu del triumfues në “Elbasan Arena”

Partizani vazhdon të zhgënjejë. Pas dy barazimeve radhazi ndaj Laçit dhe Apolonisë, këtë herë të kuqtë janë mundur nga Skënderbeu me rezultatin 0-1.

Goli i vendimtar i sfidës u shënua në minutën e 67-të dhe mban firmën e Jean Victor. Pas topit të larguar nga Belica, futbollisti i skuadrës korçare provoi me një gjuajtje të menjëhershme duke tundur rrjetën.

“Demat e Kuq” vazhdojnë të notojnë në ujëra të turbullta, teksa prej 3 javësh tashmë nuk arrijnë të fitojnë. Një situatë mjaft e vështirë dhe e papritur në kampin e kuq, pasi duke parë edhe merkaton e janarit të klubit, objektivat ishin mjaft të larta.

LEXO EDHE  Tifozët deklaratë kundër Superligës, nismës i bashkohen edhe TKZ

Nga ana tjetër, një fitore shumë e rëndësishme për Skënderbeun më këta të fundit që luftojnë për mbijetesën në elitën e futbollit shqiptar.