Deklarata provokuese e babait të Djokovic: Serbia pa Kosovën…

Një pjesë e serbëve e kanë vështirë të mësohen me faktin se Kosova është e Pavarur dhe është shtet prej 13 vitesh.

Mes tyre ka edhe njerëz me influencë dhe me ndikim, siç mund të jetë babai i një prej tenistëve më të mirë në botë, Novak Djokovic.

Në një intervistë të dhënë së fundmi për “Sputnik Sport”, ku ishte i ftuar për të folur rreth karrierës dhe fillimeve të djalit të tij, Srdjan Djokovic ka prekur edhe çështjen e Kosovës dhe Metohijes, një tjetër krahinë, të cilën serbët e pretendojnë.

Deklarata e tij është shokuese, duke marrë parasysh se Kosova tashmë është shtet më vete me të drejta të plota dhe qeverisë serbe po i ushtrohet presion i madh ndërkombëtar për njohjen e saj. Srdjan shprehet se Kosova duhet të jetë me patjetër e Serbisë dhe se ata pa dardanët, janë si trupi pa shpirt.

“Është koha që populli serb të bashkohet dhe të përqëndrohet në interesin kombëtar dhe jo me atë personal. Nëse nuk ndodh, kjo rrezikon të shkatërrojë serbët.

A duhet ta marrin Kosovën dhe Metohijen nga ne? Na e morën Kosovën, na urdhëruan… Por nuk do të munden. Si mund të na e marrin? Çfarë jemi ne pa Kosovën? Jemi si trup pa shpirt”, u shpreh Srdjan Djokovic.